有感而發-Step Lam

我本身係一個唔識水晶嘅人,自從二月份開始入咗女鞋國呢個台,每日養成左個習慣係將live當電視咁睇,慢慢開始認識水晶而越收越多手串,水球同原石。最開頭係比水晶裏便並列而成嘅彩虹吸引咗,點解咁神奇嘅?慢慢又發現點解水晶裏便會生頭髮嘅?唔同色嘅頭髮都有?大自然嘅奧秘真係解釋唔到。睇得呢個台多,慢慢就將唔同花款嘅水晶帶埋上身,唔同配襯嘅手串加埋各式各樣吊墜,每一日出街前就諗點樣襯衫最好呢?諗到呢一度嘴角都會向上揚,因為每日襯好出街心情都會好開心,連我囡囡都要求我幫佢DIY,美觀同功能集於一身😏

講開除左美觀,功能上有啲嘢真係唔到我唔信,印象最深刻真係自從我收咗個白水晶文昌塔,得到晶粉嘅指教我放好方向,我囡囡就真係第一志願叩門成功加埋攞大獎。當然,唔係叫你倚賴水晶,都要加埋自己嘅努力,但係水晶真係心理上可以得到幫助,兩樣嘢加埋真係相輔相成。

喺度希望入咗坑嘅晶粉買到心頭好,買得開心,日日好心情,繼續發放正能量❤️

23/8/2022

大行其道-Wendy Hao

有人話,市道唔好,水晶就會突然大行其道。

其實第一次接觸水晶,好多人係因為生活不太如意,希望借助水晶神奇嘅力量,令到個人運氣好轉。而我亦都係其中一員。

開始買第一粒水晶,係紅頭極光23。買咗之後,唔知心理作用定係真係有效,工作上係順利咗。後來又睇中板鈦花晶手排,戴咗一個月之後,又真係好似人生方向清晰左,後加入門版超七,真係發覺生活係順利舒暢咗唔少。繼而慢慢開始欣賞水晶嘅美,亦都培養左新興趣, 就係做吓DIY水晶手作仔。成功入坑🤣

所以總括來講,水晶喺某個層面上,係可以令你遇到多啲好人,好事,好心情。當然,必須靠自身努力先可以相輔相成。

各位有緣人,加油。

26/7/2022